Lyrics
Sawariya Sarkar सांवरिया सरकार | SukhiRam Manda | Rajasthani Krishna Bhajan | Rajasthani Bhajan
गिरधारी म्हारा सांवरा..
गिरधारी म्हारा सांवरा, थारी लीला अपरंपार,
कोई पार कोनी पायो जी, सांवरिया सरकार..
बनवारी म्हारा सांवरा…
हिरण्याकसिपु कष्ट दियो, प्रह्लाद भगत पर आंच – 2
नरसिंह बन उदर ने फाड्यो जी, सांवरिया सरकार..
नरसिंह को रूप धर मार्यो जी… सांवरिया सरकार
गिरधारी म्हारा सांवरा…
मगर को मार्यो, तने पुकार्यो, भक्त थारो गजराज – 2
थे गज को फंद छुड़ायो जी, सांवरिया सरकार..
गिरधारी म्हारा सांवरा…
दुस्सासन जब हरबा लाग्यो, द्रौपदी री लाज – 2
बहणा रो चीर बढ़ायो जी, सांवरिया सरकार..
भगतण री लाज बचायो जी, सांवरिया सरकार..
गिरधारी म्हारा सांवरा…
नरसी टेर लगायो जद, बेटी री टूटी आस – 2
थे चोखो भात भरायो जी, सांवरिया सरकार ….
नानी रो भाई बण आयो जी, सांवरिया सरकार..
गिरधारी म्हारा सांवरा…
गोविन्द थांको दास लगावे अरजी बारंबार – 2
म्हाने भव सूं पार लगाज्यो जी, सांवरिया सरकार
भगतां ने दरस दिखाज्यो जी, सांवरिया सरकार
Bhajan by : Govind Singh Negi (Gopalbandhu Das)
Singer : Sukhiram Manda, Nagaur
